25 çул тултарнă «Сувар» хаçатăн 1300-мӗш номерӗ тухрӗ
Нарăсăн 1-мĕшĕнче «Сувар» хаçатăн 1300-мӗш номерӗ тухрӗ. Йывăр вăхăтра 1993 çул вӗçӗнче икӗ сигналлă экземпляр кăларса ӗлкӗрнӗ редакци, 1994 çултан хаçат çырăнакансем патне почта урлă килме тытăннă. Кашни эрнере республикăра тата унăн тулашӗнче пурăнакан чăвашсен Тутарстан хыпарӗсене тăван чӗлхепе илсе вулама май пур. Çак куна çити «Сувар» хаçата кăларас ӗçе 50 ытла журналист, çӗршер штатра тăман автор хутшăннă.
Хаçатăн 25 çуллăхне февралӗн 16-мӗшӗнче Хусанти Халăхсен Туслăхӗн Çуртӗнче тума палăртнă. Ăна халалласа çак кун Вулакансен конференцийӗ иртет. Унта штатра тăман авторсене, çыравçăсемпе чăваш центрӗсен ертӳçисене район администрацийӗсем урлă йыхравлаççĕ. Уйрăммăн хутшăнма кăмăл тăвакансен 89179076881 номерпе шăнкăравласа регистрациленмелле.
Хыпара çакăнтан илнĕ: "Сувар" хаçат: 1300-МӖШ НОМЕР!
