20.02.2021 17:04 | просмотров: 1612

Долгова А.П. Тăван сăмах тĕшшипе кĕввине туйса тăратчĕ (Петр Яковлев Яковлева асăнса) // Халăх шкулĕ. - 2021. - №1. С. 92-93.

Петр Яковлевичей пурнӑҫӗ ҫакӑн пек сасартӑк татӑлни пирӗншӗн калама ҫук йывӑр хурлӑх, чӑваш чӗлхи пӗлӗвӗшӗн нимпе виҫме ҫук пысӑк ҫухату пулса тӑчӗ.
Паллах, нумайӑшӗ ӑна сӑмах техӗмне туйса хайланӑ асамлӑ сӑвӑсем шӑрҫалакан Петӗр Яккусен поэт пулнӑран пӗлет. Унӑн ӗҫӗ-хӗлӗ поэзире кӑна мар, наукӑра та тарӑн йӗр хӑварчӗ.

Турӑ ӑна поэт таланчӗпе пӗрлех ҫивӗч ӑспа иксӗлми ӗҫченлӗх те пилленӗ. Пурнӑҫӗнче те, пултарулӑхӗнче те тӗп принципсем шутӗнче уншӑн сӑпайлӑх, шӑв-шава юратманни, ҫын ӗҫне хисеплеме пӗлни, ҫав вӑхӑтрах - тӳрӗ кӑмӑлпа хӑй шухӑшне ӗнентерсе ҫирӗп тӑни пулса тӑнӑн туйӑнать.