Икӗ халӑх - икӗ шӑпа
Аваллӑхран килекен пуянлӑха упраса тӗрлӗ халӑхпа килӗшӳре пурӑнасси халӗ кашнийӗн тивӗҫӗ пулмалла. Ҫак чӑнлӑха ҫирӗплетсе Хусан хулинче ҫу уйӑхӗн 19-мӗшӗнче Тутарстанпа Чӑваш халӑх поэчӗсен - Ренат Хариспа Валери Туркайӑн пултарулӑх каҫӗ иртрӗ.
Пурнӑҫа юратса унӑн кашни самантне хаклама пӗлекен ҫын халӑх чунне те, ӑна мӗн кирлине те никамран ытла туять. Чӑн-чӑн поэт урӑхла пулма та пултараймӗ. Унӑн поэзийӗ вулаканӑн чунне сиплесе ырӑ малашлӑха чӗнет. Ҫапла ӗҫлеҫҫӗ те тӑван ҫӗршывӑн чӑн-чӑн патриочӗсем: Чӑваш тата Тутар халӑх поэчӗсем Валери Туркайпа Ренат Харис. Чылайранпах вӗсем пӗрне-пӗри ҫур сӑмахран ӑнланса пархатарлӑ ӗҫре вӑй хураҫҫӗ. Кӳршӗллӗ туслӑ халӑхсен сумлӑ сӑввисене чӑвашла тата тутарла куҫарса тӑванлӑх туйӑмне вӑйлатаҫҫӗ. Литература каҫӗ Хусанти халӑхсен туслӑхӗн ҫуртӗнче хӑна пухрӗ. Ятлӑ-сумлӑ ентешсем Чӑваш Енрен те, Тутарстанран та йышлӑн пулчӗҫ.
Алексей Енейкин, Олег Цыпленков
